| Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
| <<Joseph. BJ 5.282 | Joseph. BJ 5.288 (English) | >>Joseph. BJ 5.294 |
5.286δεινὴ δὲ περὶ τὰς μηχανὰς συμπίπτει μάχη , τῶν μὲν ὑποπιμπράναι , τῶν δὲ κωλύειν βιαζομένων , κραυγή τε παρʼ ἀμφοτέρων ἀσήμαντος ἦν , καὶ πολλοὶ τῶν προαγωνιζομένων ἔπιπτον .
5.287Ἰουδαῖοι δʼ ὑπερεῖχον ἀπονοίᾳ , καὶ τῶν ἔργων ἥπτετο τὸ πῦρ , καταφλεγῆναί τʼ ἂν ἐκινδύνευσε πάντα μετὰ τῶν ὀργάνων , εἰ μὴ τῶν ἀπʼ Ἀλεξανδρείας ἐπιλέκτων ἀντέστησαν οἱ πολλοὶ παρὰ τὴν σφετέραν ὑπόληψιν ἀνδρισάμενοι · καὶ γὰρ τῶν ἐνδοξοτέρων διήνεγκαν κατὰ ταύτην τὴν μάχην · μέχρι Καῖσαρ τοὺς τῶν ἱππέων δυνατωτάτους ἀναλαβὼν ἐμβάλλει τοῖς πολεμίοις .
5.288καὶ δώδεκα μὲν αὐτὸς τῶν προμάχων
-- συνέβη δʼ ἐν ταύτῃ τῇ μάχῃ καὶ ζωγρηθῆναί τινα τῶν Ἰουδαίων , ὃν ὁ Τίτος ἀνασταυρῶσαι πρὸ τοῦ τείχους ἐκέλευσεν , εἴ τι πρὸς τὴν ὄψιν ἐνδοῖεν οἱ λοιποὶ καταπλαγέντες .
5.290μετὰ δὲ τὴν ἀναχώρησιν καὶ Ἰωάννης ὁ τῶν Ἰδουμαίων ἡγεμὼν πρὸ τοῦ τείχους γνωρίμῳ τινὶ στρατιώτῃ διαλεγόμενος ὑπό τινος τῶν Ἀράβων κατὰ τοῦ στέρνου τοξεύεται καὶ παραχρῆμα θνήσκει , μέγιστον τοῖς τε Ἰδουμαίοις πένθος καὶ λύπην τοῖς στασιασταῖς ἀπολιπών · καὶ γὰρ κατά τε χεῖρα καὶ συνέσει διάσημος ἦν .
| Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
| <<Joseph. BJ 5.282 | Joseph. BJ 5.288 (English) | >>Joseph. BJ 5.294 |
